Here I'm ... What an Enthusiastic song...

click here

To Watch the video

-----------------

Here I am - this is me

There's no where else on earth I'd rather be

Here I am - it's just me and you

And tonight we make our dreams come true

-----------------

It's a new world - it's a new start

It's alive with the beating of - young hearts

It's a new day - it 's a new plan

I've been waiting for you

Here I am

----------------

Here we are - we've just begun

And after all this time - our time has come

Ya here we are - still goin'strong

Right here in the place where we belong

---------------

Here I am - next to you

And suddenly the world is all brand-new

Here I am - where I'm gonna stay

Now there's nothin standin in our way

Here I am - this is me

-----------------

مش عارف فيه ايه !!؟ ): ):

لأ هوه الصراحه انا عارف فيه ايه ...

بس هوه اللي حصلي النهارده ده بيحصل لناس كتيير و لا لأ !!!؟
أيوه فيه حاجه غلط حصلت , يا ربي !! ده انا كنت لسه عامل بروفه للي هقوله تحت في امتداد الكليه , و طلعت لاقيت نفسي مش عارف أقول حتى ربع اللي قلته تحت )): و الله حاجه تخلي الواحد يعيط ...

أي نعم يتزامن مع ده كله حاجات كتير بس ... مش عارف , بالله عليكوا حد يرد عليا ...

لا لا لا مش لازم مش لازم خالص ماتتعبوش نفسيكم معايا

-------------------------------------------------
I'll handle it as usual isA
No Problem isA
I'm up to it isA
Just do your best,no matter what the result will be
Yeaaaaaaaaah , You are up to it isA
No matter what the result will be , you are my lover ( GP ) really... >>GP= Graduation Project

----------------------
You can do it isA
Ya Rabbbbbbb

Ya Rabbbbb

Ya Rabbb

Ya Rab

----

sorry for that sad post

In the end we (as a team) have done a great work , E7L

انا لله و انا اليه راجعون ... ياااااااااا رب

البقاء لله , تُوُفِيَ الى رحمة الله تعالى اليوم الحاج صلاح ابراهيم أمين عام جامعة بنها و أكتر جيراني ايجابيه

بل أكتر عائله ايجابيه أعرفها في بنها

بجد أول مره أحس ب حد مات

و أتأثر بموته زيه

الناس دي بجد من يوم ما جيهم يسكنوا قدامنا و حال الشارع كله متغير

عارف انت يعني ايه يبقى فيه واحد ايجابي ساكن في المنطقه بتاعتك!!؟

الراجل ده و مراته(صاحبة ماما):-

علموا الناس ,و انا منهم, يعني ايه ايجابيه بجد

علموا الناس ,و انا منهم, يعني ايه انك تعمل الحاجه بايديك و ماتستناش الحكومه تنضف أو تزرع شجر

أيوه , رغم ان الحته اللي ساكنيين فيها و لله الحمد ماليانه جناين حوالينا , لكن الراجل ده كان أول واحد يزرع حاجه بنفسه قدام مدخل بيته و في بلكونته برده

الراجل ده من أول ما جه المنطقه ككل , لو في مجاري طفحت أو عمود اتعطل كان تاني يوم بالكتير الحاجه متصلحه

فعلاً أنا لسه حاسس دلوقتي بس انني اتعلمت منه حاجات ماشوفتش حد بيطبقها عملياً و متوقع اني باذن الله أقدر أعملها

الراجل ده علمني اني لو هعمل عمل خيري أو حاجه عامه مش لازم أنتظر مشاركة الناس و لا اسهامهم سواء معنوياً أو مادياً

الراجل ده بجد اتعلمت منه كتيييير

رغم ان الحوارات بيننا لم تكن بالاتساع الذي تتخيلون

رغم ان عدد السنوات التى سكنها في منطقتنا لم تكن بالكثيره

)):
الله يرحم الحاج صلاح و يدخله في رحمته و يدخله الجنه بدون حساب و يصبر عائلته و يدخلهم الجنه ... اميييين
اللهم ارحم جميع موتى المسلمين و أدخلهم الجنه يا رب العالمين.... امييييين
اللهم ارحمنا اذا صرنا الى ما صاروا اليه..... امييييين

انا لله و انا اليه راجعون

و البقاء لله

لا تحزن إن الله معنا

بسم الله الرحمن الرحيم

وبه نستعين

--------

دول أول سطرين في كل مُذكِراتي (أصل أنا قررت أكتب مذكرات انسان جديد بقالي تقريباً اسبوع)

الحمد لله

&&

thanks to dr.Dina ;)

--------

المهم ندخل في الموضوع

--------

عمرك حسييت الاحساس ده !؟

طب عمرك شوفت حد حس بالاحساس ده !؟

الاحساس بانك عمَال تدور هنا و هناك , تعمل اللي ماتعملشي علشان توصل للي انت عايزه و ما تعرفشي توصله

لأ و ايه كمان , توصله و يحصل مشكله و تسيبوا تاني

طب عمرك حسييت بالأيه دي !؟

( لا تحزن إن الله معنا )

الايه دي يا جماعه بتحكي معاني كتيير , سريعاً كده

دي كانت لما الرسول -ص- كان مهاجر هوه و سيدنا أبو بكر و أخذوا بكل الاسباب و مشيوا الأول في عكس الطريق المباشر للهجره ( للمدينه) و طلعوا الجبل و دنهم في الغار علشان قريش ما يتوقعوش مكانهم و الرسول -ص- كان مخلي سيدنا علي بن أبي طالب (ابن عمه) ينام مكانه علشان يضلل قريش .........الخ

ككككككلللللل ده..... و في الاخر برده وصل المشركين للغار

اه والله وصلوا , و رغم انهم طلعوا الجبل ده كله و وصلوا للغار اللي فيه النبي و صاحبه

و ابو بكر يقول ل سيدنا محمد -ص- لو نظر أحددهم تحت قدمه لراّنا

و رغم ده كله ربنا عَمَاهُم و خلاهم مايبصوش تحت رجليهم

الشاهد من الموضوع

ان الواحد يعمل اللي عليه ويأخذ بالأسباب و يسيب الباقي علي ربنا

أنا حسيت بالموضوع ده قوي امبارح بالظبط

أصل احنا بقالنا سنتين أو أكتر بندور على شَريك لينا في مسابقات ال

ACM

و علشان لو طلع ابن حلال و قمور يكمل معانا في مشروع التخرج

ف كنا في الغالب مش بنوصل للي عايزينه و كان لينا مغامرات في الموضوع ده يطول شرحها بجد (منا بقولكم سنتين ) ده احنا كنا و الله بنطلع نقف فوق مكان الدكتور و نبص على الدفعه يمكن نشوف حد مش شايفينه (والله كنا بنقول بيننا وبين بعض >>أََوُلِدَ فيكم من أحد!؟ )

مش لاقيييين يا جدعاااان !!!

و سعات كنا بنلاقي ناس ونبدأ معاهم بس بيحصل عدم توافق و نسيب بعض

و نعمل تسيتاات للناس ( زي انتير فيو و هوه مش حاسس) أون لاين و غيره

obba obba !! 2etfada7na !! :D :D

وسعات نقووول يااااااه لو يوافق\توافق يبقى تمام و يبقي ناقص شعره و يدخل معانا , و في الاخر لأ مش هوه ده اللي مكتوب لينا

والله يا جماعه الموقف ده اتكرر معانا (انا و محمد أسامه) كتيييير و كان مع ولاد و بنات و كله

بس سبحان الله ربنا بيقولنا اعملوا اللي عليكوا و اسعوا و انا هكافئكوا بأحسن من ده كله بس اعملوا اللي عليكوا..

أحسن دي مش معناها ان اللي كانوا هيدخلوا معانا و حشين ... لأ , أحسن دي معناها أحسن لينا بخاصه و ليست عامه

و الحمد لله , ربنا اختار لينا ان (احمد كامل) يدخل معانا.. بس ازاي!؟ دي اللي جامده أوي !! ... سبحان الله

سبحان الله بجد (مقسم الأرزاق)

أولاً: ده دخل القسم وهوه مش عايزه أصله ماكانشي عارف معاد التقديم للأقسام و جه لقى نفسه في القسم بالعافيه و لا مفر

ثانياً : كان ليه مجموعه من بره القسم هيعمل معاهم مشروع التخرج بس طلع قرار انه ماينفعشي تبقى لواحدك من القسم و داخل مع مجموعه من بره القسم

كل ده و برده مش شايفينه

و عمَالين نكلم ده و نتفق مع ده , و ده ييجي و ده يمشي الخ الخ الخ

و في الاخر ناقص يومين و نقرر , ولازم يدخل معانا على الأقل واحد و الا هيلابسونا أي حد من أي حته أو هيرفضوا الموضوع

المهم قلت لمحمد نبص عندنا في القسم , أهه حتي بيقى عارف فيجواليزاشان علشان المشروع هيبقى أكثره كده

بص يا محمد انا كلمت كامل و حاسس انه ييجي منه

و بعد كثير من المداولات , اقتنع محمد أسامه اقتناع مبدأيأً ... و كلياً مؤخراً

بس كده و الحمد لله , كامل جه و ربنا بعت الرزق معاه

نهايةً: الحمد لله رب العالمين حمداً كثيراً طيباً مباراكاً فيه كما ينبغي لجلال وجهك و عظيم سلطانك

و اسف على الاطاله

و ربنا يوفقنا و يوفقكم في مشروع التخرج

Graduation Project =

Experience and knowledgs + Fun .

signed by M.Foad ;) TU Foaad

و السلام عليكم و رحمة الله و بركاته

[EGYPT][FCIS] [SC]خطوه نحو الوصول الي القمه version.SC

السلام عليكم و رحمة الله و بركاته

-----------------------

أهلاً و سهلا ًبكم قسمي العزيز

ازيكم أخباركم ايه يا رب خير ان شاء الله ...

يا رب تكونوا قريتوا المقاله اللي لسه كاتبها قبل دي

http://saadcd.blogspot.com/2007/11/egyptfcis-allll-why-not.html

طيب أدخل في الموضوع على طوول

أولاً : أنا فضلت ان الموضوع يبقى هنا علشان اللي عايز يقوول رأيه يقوله و بدون احراج (يا ريت ماحدش يعلق على الحته دي , عايزين نركز علي المشكله الرئيسيه)

و عايز أقول قبل ما أبدأ : اننا كلنا دلوقتي في قسم واحد و كلنا عايزين نطلع بحاجه في اخر سنه في الكليه

نطلع بحاجه يعني نطلع بحاجه مفيده مش نمشي حالنا و نخرج من السنه زي ما دخلنا ...

مممممممممممممم

طيب, بصوا يا جماعه انا اتكلمت مع بعض طلبة القسم و اتناقشنا في الموضوع ده و كانت النتيجه كالتالي (بس يارييت كله يشارك و يقوول رأيه و يمضي في الاخر باسمه أو اسم مستعار) ... و ياريت برضه يبقى الهدف من الرد اننا نوصل بالكلام ده لأحسن وضع ممكن

أولاً: زي ما كتبت في المقاله السابقه اننا لازم نشوف المشاكل اللي في كل ماده و نحاول نحلها

فياريت نركز علي حاجه حاجه

فبدايةً

Mathematical Programming

لو سألتوا الناس بتوع السنه اللي فاتت هيقولولكم استفيدوا من د\ياسر ده على قد ما تقدروا و ماتخلووش الماده عباره عن ألجوريزم الطابعه التانيه ... حاولوا تاخدوا حاجه جديده حاجه تستفيدوا بيها مش تاخدوا نفس الحاجه مرتين

ف بصرف النظر عن الماده دي رياضه و لا برمجه و لا الاتنين مع بعض

ف عايزين نوصل بيها لأحسن وضع

و كانت المبادره من الدكتور النهارده (أي نعم كان فيه مشاكل و هوه ده اللي جايين نناقشه)

المشكله يا جماعه أن احنا اتعودنا على نظام معين في الشرح و في طريقة التلقين و الطريقه الروتينيه في الشرح ...الخ

لكن في الناحيه التانيه في ناس بتشرح بطريقة طلع اللي جوه الناس , اعرفهم أكتر , ناقشهم أكتر , خليهم يناقشوا بعض أكتر (بالأخص ان عددنا قليل)... خليهم يقترحوا حلول

( انتم مش واخدين بالكم اننا كقسم سينتيفيك )ممكن نطلع طريقة حل جديده لمشكله معينه و ناخد بيها جايزه و نرفع بيها ترتيب الجامعه...!!؟

ليه لأ ..!!؟

انتوا عارفين ان طريقة المناقشه دي لو وصلنا بيها لأحسن وضع كل واحد فينا هيطلع حاجه جديده و يكتشف انه يقدر يعمل أكتر من اللي هوه متخيله..!!؟

طب تخيل كده مثلاً الدكتور قال يا جماعه عايز المره اللي جايه فلان يحَضَر حل للمشكله الفلانيه علشان هيشرحها لينا كلنا المره اللي جايه في عشرة دقائق مثلاُ و هنتناقش فيها كلنا لمده عشرين دقيقه مثلاً .. أو أكتر , ده مجرد اقتراح

و ده يبقى جزء ثابت في المحاضره أسبوعياً

اقتراح اخر

ليه مانتعاونشي كلنا في حل مشكله كبيره أو ابتكار ألجوريزم جديد مثلاً و كل واحد يعمل حاجه فيه يدور مثلاً علي النت و يقول أنا لقيت أحسن حاجه كذا و التاني يقول و انا لقيت كذا و نقعد نتناقش فيها

ليه لأ...!؟

يا جماعه الحاجات دي و غيرها لو اتعملت صح هتفرق معانا كتييييييييير باذن الله ...!!

أنا عارف ان الموضوع بيبقي صعب على الكل في أوله , بس بص لقداااام

و رووح و قووول لأي معيد أو حد كبيير أو خبره واثق في كلامه تصدق حصل كذا كذا كذا النهارده في القسم و احكيله براحتك بدون اظهار وجهة نظرك و قل له في الاخر ايه رأيك !!!؟

المهم

مستني ردودكم و اارائكم و اقتراحاتكم

فقط اضغط على تعليقات اللي تحت دي

then choose anonymous >>The third option

واكتب براحتك و متستنااش تشوف ردود الناس و متنسااش تمضي باسمك أو باسم مستعاار

and finally press on the button>> publish your comment

و

السلام عليكم و رحمة الله و بركاته

[EGYPT][FCIS] [ALLLL] خطوه نحو الوصول الي القمه لكل الأقسام Why Not !?

السلام عليكم و رحمة الله و بركاته

ازيكم يا شباب حاسبات و أمل الأمه في نهضه حقيقيه بجد

صحييح عمرك فكرت ان الكلمه دي (شباب حاسبات و أمل الأمه في نهضه حقيقيه بجد) قابله للتحقييق !؟

طيب عمرك فكرت انك ممكن تكون من الناس دي !؟

Why Not !!?

انت يا حاسوباتي مُعَد اعداد فظييع و عارف شوية حاجات و في حتة مجال ممكن يقلب حال مصر بل الأمه العربيه و الاسلاميه جمعاااء من حااال الى حاااال

مقتنع بكده و لا لأ

طب هقولك حاجه صغيره ... انت تعرف ان فيه معيدين و دكاتره بيطوروا نظام التعليم...فيين!؟

انت تعرف ان فيه من النوع ده عندنا في الكليه...ميين!؟

طيب الجديده بقه : انت تعرف بقه ان فيه ناس ( طلبه زيي و زيك ) ناويه و بدأت في التنفيذ بجد في الموضوع ده ...يااا راجل!؟

أيوه فيه ... و الله يا جدعان فيه !!

و مش بالخناقات و لا بالصوت العالي ...

طب قولي بس

أيوه انت , انت قولي ليه مايكونشي ليييك دووووووووور ...!؟

طب ليه ما تعملشي حاجه كويسه و تسييب أثر كويس قبل ما تسيب الكليه ...!؟

طب ليه ما تزودشي نقطه في الطريق علشان اللي بعدك ييجوا يزودوا بعدييك نقط للوصول للهدف اللي عايزينه ...!؟

ليه ماتبقاش أحد الناس اللي ساهمت في وصول كلية حاسبات ( أو جامعة عين شمس) لأحد المراكز الأولي علي مستوى العالم ...!؟

انت تعرف ان احنا عندنا دكتور في القسم (بسم الله ما شاء الله) بأحد أبحاثه العلميه في أحد كليات السوف وير اللي كانت ترتيبها رقم 4 علي مستوي كليات الحاسبات في العالم ,و بفضل الله كان البحث ده واللي خد عليه جايزه (واللي كان أول مصري يأخذها في الجامعه دي) وكانت السبب في أن الكليه أصبح ترتيبها رقم 3 و الجامعه كلها كرمته و العمداء كلهم فرحانيين بيه و ظبطوه مكافئات بقه و اللذي منه ...

ليه لأ !!؟

Why Not !?

طيب يا عم انت أعملك ايه , أنا مش شايف حاجه أقدر أعملها !؟

ممممم , هقولك بص يا سيدي :-

احنا زي ما قولنا دي مجرد خطوه على الطريق

أنا هقول اقتراحات و ياريت تزودوا و نتناقش علشان نطلع بحاجه مفيده

كطريقة تفكير منطقيه

كل قسم أو كل مجموعه منكم اللي ناويين يعملوا حاجه في كل قسم:-

1- يمسكوا ماده ماده و يشوفوا ايه المشاكل الحقيقيه في الماده دي

2- يتناقشوا في أسباب المشاكل دي

3- يقترحوا حلول عمليه

4- يقترحوا هذه الحلول بطريقه مقبوله علي (معيدين الماده , دكتور الماده , رئيس القسم ان أمكن) , ( دكتور أو معيد يقدر يوصل وجهات نظرهم في المشكله و طرق الحل المقترحه لدكتور الماده) كده يعني

5- ما تتوقعوش ان المشكله هتتحل من أول مره , هتقابلكم عقبات , أهم حاجه لا للاحباط ... الراجل اللي اخترع المصباح الكهربي جرب مواد كتييييييييير لدرجة أنه قطع حته من شعره و جربها , ف لا للاحباط ,,, جرب و جرب و جرب لغاية ما توصل للنتيجه اللي انت عايزها

ومن يتوكل على الله فهو حسبه ( يكفيه) ...

بصوا يا جماعه اذا قدرنا نعمل حاجه زي دي .. هنلاقي كل حاجه بعد كده سهله ... ممكن بعد كده ( طالما التواصل بقي موجود ) و بقى فيه تفاعل بين الطلبه و الدكتور خلاص , ممكن بعد كده يبقي في اقتراحات لمواضيع تهمنا و نقول للدكتور عايزيين حضرتك تخصص محاضره (أو جزء من محاضره ) لحته معينه عايزينها ... و هكذا لغاية ما نوصل بكليتنا و جامعتنا ودولتنا و أمتنا لأحسن وضع بين الأمم

و الله ولي التوفيق

و مستني شباب ساينتيفيك على البوست اللي بعد ده

أهوه

http://www.saadcd.blogspot.com/

لمناقشة المشاكل اللي واجهتنا في أول الطريق

يا رب أعننا يا رب

يلا مستني ايه , اضغط علي ارسال تعليق اللي تحت دي

then choose anonymous >>The third option
واكتب براحتك اللي بتفكر فيه و متنسااش تمضي باسمك أو باسم مستعاار
and finally press on the button>> publish your comment

و

السلام عليكم و رحمة الله و بركاته

فضفضه

كان في حاجه جواااك و نفسك حد يشاركك التفكير فيها أو كان نفسك على الأقل تقولها لمجرد انك تقولها (فضفضه يعني) !!؟

كان نفسك تقول لواحد صاحبك حاجه و و مقولتلوش علشان كان نفسك توصلهاله من غيرما يعرف مين اللي بيقولهاله !؟؟

كان نفسك تبعت حاجه علي الجروب و و مبعتهاش علشان كنت عايز توصل اللي عايز تقوله من غير ما يتعرف ميين اللي قاله !؟؟

فضفض ... فضفض يا أخي يمكن لما تتكلم تشوف الموضوع قدامك أوضح فتقدر تفكر فيه بعد كده صح بعدما وضحت ملامحه

اذا كنت من أحد الاحاد اللي فوق دي فاحنا منتظرين فضفضتك
فقط اضغط علي "تعليقات " اللي تحت دي
و ااااااانطلق...................

و طبعاً مش محتاج أؤكد عليكم ان الفضفضه دي تكون في حدود الأخلاق

و متنساش تمضي بأي حاجه في الاخر (الكتكوت المدمر مثلاً , حاجه كده )

صفحه بيضه

صفحه بيضه

هي كل ما أتمناه من رب العالمين لصفحات ذنوبي و أخطائي و بخاصه التي تخص الناس و أتمنى من الله أن تتسع صدوركم و قلوبكم الرحيمه و تسامحوني على أي أذى أو مكروه اقترفته تجاهكم...

الي كل من أخطأت في حقه أو تسببت له في أذى أو مكروه أو أي شئ , أعتذر ...

الى والديَ , أعتذر

الي كل اخوتي , أعتذر

الى كل من ناقشته و أخطأت في حقه , أعتذر

الي كل أصدقائي و أصحابي و أقاربي و كل معارفي , أعتذر

و الى دفعتي بخاصه , أعتذر عن أي سي دي اتأخر عليكم أو ورق امتحانات اتأخرت عليكم أو وصلتكم حاجه مش شغاله أو سي دي بايظ

بجد يا اخوتي في الله أكيد لم تكن مقصوده ... بس هوه في الغالب كان بيبقي في ضغط جامد عندنا في الأسره ... و والله ماكنتش أنا المسئول عن عمل النُسَخ ... هو كان في الغالب واحد ولا اتنين و بينسخوا لكل الدفعات !!؟

ف رجاءً سامحونا على التقصير ...

وياريت يا جماعه اللي ليه حق مني ييجي يقتص مني ... بدل ما يقتص مني يوم القيامه

ييجي : بمعني يرد عليا هنا أو على ايميلي و يقولي أني أخطأت في حقه في كذا و مش هايسامحني الا اذا كذا , و ربنا يعينني و أقدر أعمل كذا التانيه دي... !!؟ ...

و فعلاً يا جماعه لو حد خد سي دي بايظ يقوول و أنا كفيل له بأنه يأخذ فلوسه اللي دفعها في أقرب وقت ممكن ان شاء الله ...

أخيراً و ليس اّخراً أقدم اليكم هذا الحديث لعل قلوبكم تلين و تصفحوا عني و عن كل من أساء اليكم

قال رسول الله (صلى الله عليه و سلم):

(رجلان من أمتي جثيا تحت العرش يوم القيامة، فقال المظلوم: يا رب، خذ لي مظلمتي من أخي، فيقول الله لمن ظلم: أعطِ أخاك مظلمته، فيقول: كيف يا رب؟.. فيقول: أعطه من حسناتك، فيقول: يا رب فنيَت حسناتي!.. فيقول الله للمظلوم: فنيت حسناته، فيقول: يا رب فخُذ من سيئاتي فاطرحها عليه.. فيقول الله للمظلوم: هل لك في خير من ذلك؟.. فيقول: وما خير من ذلك يا رب؟.. فيقول له الله: انظر إلى ذلك القصر، فينظر فإذا قصر في الجنة لم ير مثله، فيقول: يا رب لمن هذا القصر؟!.. لأي نبي هذا؟.. لأي شهيد هذا؟.. فيقول له الله: لمن يملك الثمن!.. فيقول: يا رب ومن يملك هذا الثمن؟.. فيقول له الله: أنت تملكه، فيقول: كيف يا رب؟.. فيقول: بعفوك عن أخيك، فيقول: عفوت يا رب عفوت يا رب، فيقول العفو: خذ بيد أخيك فادخلا الجنة سوياً).

صدق رسول الله صلى الله عليه و سلم

إنسان جديد

إنسان جديد

--------

كان قرار مفاجئ بعد فتره كبيره من الاعتراض مني على فكرة عمل بلوج.

فبينما أفكر اليوم(كالعاده) فيما يدور حولي من أحداث اذا بي أقرر عمل البلوج.

------------------------------------

ففكرت في أول بوست ليه في أول بلوج أعمله و كان كما يلي

------------------------------------

---------------

بسم الله الرحمن الرحيم

---------------

يمر الانسان طيلة حياته بأحداث كثيره و مواقف أكثر

بعضها جيد و البعض الاخر سئ .... بعضها مبهج و البعض الاخر منهك

ولكن

هل يستفيد كل منا من هذه الأحداث ليصبح أفضل ويساعد من حوله ليكونوا أفضل... !؟

وهل يستخلص منها العبر و العظات قبل أن تنتهي و قبل أن تنقضي و يمر وقت الاستفاده منها و يأتي موقف اخر و اخر و اخر ...!؟

وقد كان بامكانه أن يستفيد منها كلها ليصبح ...!؟

إنسان جديد