تجربة الموت

بسم الله الرحمن الرحيم

--

 كثيرون هم من يدركون حقيقة الموت و أن لكل أجلٍ كتاب و أن الموت آتٍ آآآآتٍ لا محالة .. لكن قليلون هم من عاشوا تجربة الإقتراب من الموت و إستخلصوا منها الدروس و العبر

عارف يعنى إيه إنك توصل في لحظة تلاقى نفسك بتغمض عينك علشان خلاص فقدت التحكم و مش قادر تشوف نفسك و إنت بتموت !! و غمضتها و إنت بجد مش عارف هتفتحها تانى ولا لأ .. و لا هتفتحها على إيه أو هيبقى فيك إيه 

إنت متخيل يعنى إيه خلاص !! خلااااص, مفيش عمل, مفيش حسنات, مفيش عمل خير, مفيش أهل ,مفيش صحاب,مفيش أى حاجة خلاص شطبنا, عمرك خلص, خلص خلاص يعنى مفيش ولا ثانية زيادة ولا لحظه ولا أقل من كده .... إييييه !!؟ كان نفسك تلحق تعمل حاجااااات كتيييييير !!؟؟ ياااااااااه كتييييير أوى !! طب إية معملتهاش ليه, ما كان عندك و قت كتيييييييير بتضيعه في حاجااااات كتييييييير ملهاش لازمة و لا معنى و لا الهوا !! كانت إيه مشكلتك !! كنت متأكد و موقن إنى هعملها و إنها حاجات مهمة لا يمكن أسيبها أو أنساها, هو بس مكنشى لسه جه وقتها .. بس يا خسارة جه وقت الحساب

عارف يعنى إيه إن كل السيناريوهات المتاحة تقول مش هيطلع منها سليم, ده إذا طلع منها أصلاً !! ده ملوش غير معنى واحد عندى, إن دى فرصة تانية (أو أخيرة) قبل "رب إرجعون" و إن أكيد في رسالة خاصة على تأديتها أو إنجازها

أنا مش عارف المفروض أكتب إيه تانى, بس كل اللى أعرفه أنه مينفعشى الواحد يبقى سايب خمستلاف حاجه عايز يعملها قبل ما يموت .. ما ينفعشى الواحد يبقى مش جاهز للموت و عارف إنه مش جاهز و مطنش أو مأجل أو مسووف أو ناوى و لسه مبدأشى بل مينفعشى يبقى عارف إنه المفروض إنه يكون بيحسن من نفسه و يصلح فيها و هو واقعياً بيبوظ أو عارف إن في حاجات بايظه و بتبوظ أكتر مع الوقت و سايب الدنيا ماشيه عادى جداً و لا كأن في أى حاجه خالص

ناس كتير بعد الثورة قالت إنهم المفروض يراجعوا أهدافهم و كتير عقدوا العزم على تغيرها أو إستبدالها أو تحسينها, لكن قليلون من نفذوا ذلك .. فماذا لو مات أحدهم !! هيموت و هو معندوش أهداف واقعية على أرض الواقع يأخذ أجرها و إن لم ينفذها !! هيموت كده و هو مضيع فرصة زي دي بكل بساطة !!؟؟

و يا ترى عليك فلوس زكاة أو صدقة و معندكشى مشاكل في تأجيلها و نسيانها, بس إنت ممكن تموت في أى لحظة, ضامن إن الورثة هيقوموا بالواجب !!؟ و في وقتها بجد !!؟؟ ولا هتتعذب بيها لغاية ما يعملوا اللى إنت عممال تأجله, هيعملوه أسرع منك يعنى !!؟ تتعذب دى مش كلام على ورق, تتعذب تتعذب يعنى مش هزار .. و حاجات تانية كتيير غفلانين عنها و ناسينها و فجأة مش هنلحق نعمل أي حاجة منها .. الله المستعان

و

السلام عليكم و رحمة الله و بركاته