السلام عليكم و رحمة الله و بركاته
هو ليه يا جماعه كل سنه بنقول الدفعه دي أسوأ من اللي قبليها !؟
هو ليه أوائل الثانويه العامه في الكليه قليلين جداً ان وجدوا أساساً !؟
هو ليه لما بنقعد نتكلم مع قرايبنا عن الكليه بيحسسونا اننا بنتكلم عن حاجه مش موجوده في مصر !؟
كل ده يدل علي شئ واحد ان الناس مش عارفين عن الكليه ولا مجال شغلها والخ...
ده احنا نفسينا مكناش عارفين لغاية سنه تانيه
:D
طب و بعدين يعني يا أبو سعد !؟
أقولك يا سيدي ليه منعملشي موقع للتعريف بكلية الحاسبات و المعلومات
أو حتي يبقى جروب على الفيس بوك للتعريف بالكليه
طب الناس هتوصلنا ازاي يا أبو العُريف !؟
هقولك
مش طلبة الثانويه العامه هم التارجيت بتاعنا !؟
طبعاُ, بس هنوصلهم ازاي يا عبقرينو !؟
ليه منروحشي نسلم على أساتذة الثانويه العامه بتوعنا و نعلق عندهم ورقه أو بوستر و فيها تعريف مبسط للكليه و لينك للموقع أو الجروب اللي هيبقي على الفيس بوك !؟
والله فكره يا أبو سعد
طب متدخل معانا في الحمله دي و تعدي كده علي الأساتذه
وعلى فكره بقه الأساتذه بيفرحوا جداً لما بيلاقوا حد كان بياخد عنده درس و جاي يسلم عليه
بعد ما دخل الكليه و لا حتى خلصها
والله انا مجربها و بجد احساس حلو أوي ان الاستاذ يبقى فخور بيك كده قدام الطلبه
و يا سلام لو نبقي نعلق البوسترز دي في الكليه و في أماكن تسجيل الرغبات !!!؟
ويا سلام لو نعدي كمان على مدارسنا بتاعة اعدادي !؟
ليه لأ !!؟
و كمان في الجلسات العائليه أو الأعياد نكلمهم عن الكليه أو نوزع عليهم الورق ده , ليه لأ برده !؟
و نتكلم عن اننا مهندسين برده مش تجاره و ان القبض عندنا حلو برده و كده !!
ها يا شباب حاسبات و أمل الأمه في نهضه حقيقيه بجد !؟
حد معانا !؟
حد عنده اقتراحات !؟
حد ناوي يعمل حاجه ياخد عليها ثواب و يبدأ في حاجه و الناس تقتدي بيه و ياخد قد ثوابهم كلهم !؟
مستني ردودكم !!؟
و السلام عليكم و رحمة الله و بركاته
.jpg)
هناك 23 تعليقًا:
nice topic i think the site will be important to check if the pepole interested or not (you will now from the visitors) .i think if we just mad a cool blog and every FCISer can write on it will be nice . just attractive topics .and know that you talk to young pepole :D
ممكن من غير موقع و تعقيد ..
بلوج صغير .. يكتب فيه كام واحد ..كام بوست عن الكليه .. و شكرا .. حتى علشان يستحمل الحِمل
---
و ممكن كمان لو link0777.net وافقوا نحط لينك بلوجو لذيذ للبلوج ده
و بكده لو انت طالب ثانويه .. داخل تشوف مجموعك .. تشوف اللينك .. و شكرا
مقابل ايه ؟ .. معرفش..
sorry, i can't comment in Arabic .. I've a Problem on my laptop
any way .. i wanna tell you that i do what you said that i let my teachers know about what i study in college .. actually i dun tell them what we study in a technical way , but in a way that shows the importance of our field ..
and what you said made me think of making a session in the Centers that i had taken private lessons at for free :D(for sure )
Really ,it's a good idea
ana kont 3awza a2ol kaman en msh shart mawke3 bas 3ashan feh talaba kteer w ana kont menhom makansg leyya fel net awy ayam sanaweyya
--------
amma belnesba le el social work
fa ana ma3ako :)
really bteb2a 7aga tedaye2 amma yfakarona enena ma3had fanny :S aw kesm fe tegara .. taba3an ana msh asdy en dol we7sheen bas .. ma3na keda en e7na msh ma3rof bel kolya de at all ..
ma3ako ya3ni :D .. yalla 2ayed ba2a :D
Jasmine Sana 2oola ..ASCIS
بصراحه اللى لسه ميعرفش يعنى ايه حاسبات يبقى مش عايش ف الدنيا احنا بنتكلم دلوقتى ف عمل نقابه المفروض نتقدم خطوه مش نرجع تانى نشرح للناس يعنى ايه حاسبات. انا عن نفسى دخلت حاسبات وكانت اول دفعه لسه متخرجتش من الكليه ايامها فعلا مكانش حد يعرف يعنى ايه حاسبات انما دلوقتى معتقدش.
انا رايى اننا نوجه النشاط لشئ اخر زى موضوع النقابه لو خدمة خريجى حاسبات فى مجالات معينه تساعدهم فى شغلهم ورفع كفائتهم من رايى يكون افضل
وده مجرد راى. وشكرا على المقاله الجميله
والله فكره حلوه ,
لان فعلا فى ناس كتيييييييير جدا وطالبه كتييير ميعرفوش عن حاسبات حتى اللى يعرف كل معلوماته انها دراسه كمبيوتر واي حد ممكن ياخد قرص بيقى ذي بتاع حاسبات والكلام اللى بنسمعه ده
فعلا احنا محتاجين الناس تعرف اكتر عن كليتنا
وعن طريق جروب الفيس بوك ممكن نقول ونعرف الناس بالكليه
فكره حلوه اوى ...على فكره انا اول مره سمعت عن الكليه و احنا ف 3 ثانوى :) و لما قررت ادخلها ناس كتير من قرايبنا و اصحابى قالولى ليه يا بنتى كده حرام علبكى تضيعى هندسه عين شمس انتى مجنونه و لا ايه؟؟؟
و الحمد لله مندمتش ابدا على اختيارى
لحد دلوقتى يعنى :)
و على فكره ناس كتير لحد دلوقتى فكرتها عن كليتنا انها زى معهد حاسب آلى :( او زيها زى تجاره خاصه ان ملناش نقابه لسه و كمان التنسيق بتاعها قل جامد عن الاول
ربنا يكرمنا جميعا وو نثبت الكليه بالفعل مش البوسترات بس
جزاك الله خيرا يا احمد الموضوع بجد جميل :)
فكرة حلوة اوى يا احمد
بجد هايله
بس كدا التنسيق هيعلى عنكم اوى
وبسببكم
انتوا حريين
حلوة فكرة المدرسين اوى اهى منها ود ومنها مصلحه...ههههه
وربنا يكرمكم يارب وتبقى احسن كليه ف الشرق الاوسط
سلام مؤقت
حوار دار بعد الثانوية العامة
واحد تاني: أيه الكلية الي جاتلك؟
انا:حاسبات ومعلومات
واحد تاني:ايه في الشروق(آل يعني معهد)
------------
واحد تاني: أيه الكلية الي جاتلك؟
انا:حاسبات ومعلومات (عين شمس)
واحد تاني:ايه دي حِسابات تبع تجارة؟؟؟
-----------------
واحد تاني: أيه الكلية الي جاتلك؟
انا:computer science
واحد تاني:في كلية علوم؟؟؟؟
------------
واحد تاني:رحت مكتب التنسيق؟؟؟
انا:لا انا عمت تنسيق ألكتروني
واحد تاني:يا راجل في حد يبعت معلوماته في الهوا؟؟؟
-------------------
طبعا الفكرة رائع ولازم تنفذ و ممكن نتكلم مع العميد علشان نعمل أعلان تعريفي في الجرايد (أشمعنى المعاهد)
وبكدة نبقى جوا دماغ الي بيكتب تنسيقه
فكرة كويسه جدا جدا
وانا مع فكرة عمل موقع بس اعتقد ان الموضوع محتاج يتنظم اكثر من كدا
يعني كل الناس الي هترد عليك هتقول انها فرحانة بالفكرة ... لكن الخطوات الي تخلي الحملة دي مؤثرة وتوصل لكبر عدد هو دا الي يهمنا
ثانيا احنا - جروب وموقع fci4all - ممكن نساعد جامد في حملتك ، اما بفريق العمل او الاعضاء
يا ريت تكلمني على الميل الخاص بيا علشان تبقى خطوة فعلية للتنفيذ
mohamed.ekram@yahoo.com
wallahy fekra ana ma3ako la2ny bardo maryet benafs el zrof dy ..w nefsy el nas t3raf bgd matb2ash da5la 3la 3amaha kda
am with you
السلام عليكم ورحمة الله وبركاته
انا بعانى من نفس المشكلة بما إنى بيطرى
الناس بتتريق على كليتنا جدا جدا
يقولك ده دكتور حمير ...
و مش فاهمين حاجة ..
بالعكس الكلية بتاعتنا مستقبلها حلو جدا
زى حاسبات تمام ...
بس للاسف الناس جالهلة ...
ana fe sana 2ola we begad 2abelt hagat men elly ento bet2olo 3alyha de we kont badaye2 2awy we kan nefsy fe3lan a3mel hekayet el hamala de bas kont mesh metshaga3a 2awy 2ashan ana lessa sana 2ola we kaman lewahdy bas ana ma3ako fe mawdo3 el hamla da taba3an la2en dah wagebna men ela5er keda........ma3ako 4 ever lehad lamma el nono yenzel men batn mamto 3aref ya3ny eih kolyet hasebat we ma3lomat
فعلا ياجماعة, لازم نعرف الناس إيه كلية حاسبات دى وبتدرس إيه, واللى هيطلع منها هيشتغل إيه....
لأنى لما دخلت الكلية وكانت الكلية لسه فاتحة جديد فى أسيوط, وكنت أنا تالت دفعة تتخرج. لما حد كان يسألنى على الكلية وأقولوا حاسبات أسمع ردود غريبة ,زى:
" دى معهد دى ولا إيه "
" أه دى تبع علوم ,مش كده "
" مش دى قسم فى هندسة "
" ودى بتعملوا فيها بتحسبوا فيها "
اللى أكتر من كده إن واحد صاحبى بيحكيلى الناس قالت إيه على الكلية, فواحد قالوا : " ليه يابنى تضيع مستقبلك " ... دى مش نكتة .. دى حقيقة.
وفكرة المدرسين دى فكرة حلوة خالص, وأنا عن نفسى أى حد بيسألنى كلية إيه, بعض أحكيله عن الكلية والدراسة.
أنا كنت فاكره أن أنا الوحيدة اللى بعانى من المشكلة دى
صحيح بجد الناس مشفاهمه خالص يعنى ايه حاسبات
انا كان مجموعى يجيب هندسة
وأول مادخلت حاسبات الناس قعدوا يقولولى ،، ايه ده حد يضيع نفسه ويسيب هندسة علشان يدخل كلية ملهاش مستقبل
أنا طول الوقت بحاول اشرح يعنى ايه حاسبات وانها مش كلية هينة او ملهاش لزمة
يا إخوانا أحنا المستقبل بلا فخر
لأن دى حقيقة
زمان كان عصر العلم ودلوقت عصر التكنولوجيا
مفيش تكنولوجيا معلوماتيه يعنى مفيش مستقبل
assalamualaykolm i think it is agood idea mashaALLAH.. i think if u gonna do it so,,in that site or wherever u will make el e3lan aw keda we can make a test simple one nsta3en feh bel mo3eden fel kolaya i mean fel Questions eli tet7at like you know iTickle site and so to make themmosh ha2ol y7adedo ydkholo aw la2 mslan 3la 7sb egabthom mslan nbayn el moyoul bt3ethom hal hea fe3la tb3 kolitn wala eh but at least to make them make thier mind again badl ma f3lan kol ana el dof3a tb2a afza3 mn eli 2blaha..Rbena Y3enkom InshaALLAH
I AM SO IN...me and Noha were just talkin about your 7amla a couple of hours ago....and count me and Noha Mahmoud IN isALLAH....
proud to be an FCISian
ماشاء الله فكره رائعه وواضح انك متحمس ليها(Y)
وانا كان نفسي في حاجه زي دي فعلا لان بلاقي كل اللي حواليا مش مدركين ماهية الكلية دي ودورنا اننا نوضحوا ونوصل دا لناس وخصوصا طلبة الثانوي وكمان اهاليهم لانهم للاسف لاهلى بيكون ليهم دور فعدم دخول اولادهم لكيتنا لانهم متخيلنها مش بتديهم حاجه وانها اي معهد
يارب نقدر نوصل مضمون كليتنا بشكل صحيح :)
عندي اقتراح تاني كنت فكرت فيه وكنت ناوية اعمله ان شاء الله بس دخلت سنة رابعة وانشغلت
مثلا يوم اسمه يوم النجاح زي
success way
اللى بتعمله كلية الحسابات جامعة القاهرة كل سنة اليوم ده بيبقى حلو قوي
ليه في اليوم ده منمرش على المدارس ونطلب من المديرين اننا ناخد من شعبة رياضة او من فصول المتوفقين ناس يحضروا اليوم ده ونبقى مجهزين ميكروباصات او اتوبيسيات ومجهزنلهم اماكن واشخاص تقعد معاهم وتكلمهم عن مستقبل الكلية
السلام عليكم ورحمة الله وبركاته
أزيكو ياشباب
أنا بقترح ياشباب أنكو تروحو للدكتور فهمى طلبه وتتطلبوا منه يكتب مقاله حلوه كده عن الكليه
ومجال عملها ومشروع النقابه بتاعتها وقصص نجاحها زى موضوع الناس الكتير اللى فى مايكروسوفت
أعتقد لو قدرتوا تحصلوا على مكان فى جريده قوميه للمقالة دى قبل ما تروحوا للدكتور طلبه هيكون ده كويس أوى
على فكره أنا دخلت الكليه دى بسبب أول مقاله أتكتبت عنها وكانت من د. طلبه بردو
سلام
عمرو
السلام عليكم,
من ناحية المبدأ فإن الفكرة رائعة. و لكنّ السرّ في تفاصيل تنفيذها.
مثلا: كم شخص منّا يعرف أصلاً الهدف من الكلّية؟ ستجد خمسة أو ستّة آراء معظمها خطأ و إن كانت الأكثر شيوعاً.(hint: ليس مجرّد تخريج المبرمجين)
المشكلة الثانية أنني أخشى ألّا يقدّم الناس رأياً متوازناً. صدّق أو لا تصدّق هناك أشخاص لا تناسبهم الكلّية و أفضل لهم الهندسة أو أيّ كلّية أخرى, فهل سيتحدّث الناس عن نقاط ضعف الكليّة كما تحدّثوا عن قوّتها أم سيجعلونها حرباً بين الكلّيات؟
كذلك أخشى أن يَعِدْ المتحدّثون وعودا ليس لهم أن يعطوها, فيقولون كيف أن كلّ من يتخرّج من الكلّيّة يعمل فوراً و يكون راتبه بالآلاف...إلخ
هذا سيعطى صورة مزيّفة, و يعطي الإيحاء أن الكلية هي التي تأتي بالعمل و ليس الأجتهاد, و يجذب الطامعين و المتواكلين.
لو كانت طريقة العرض علميّة و عادلة, فشيء عظيم. لو أفتى كل شخص بغير علم فإنّ تَرْك الناس ليعرفوا بأنفسهم أفضل
هاي يا جماعة...
أنا موافقة تماما على الموضوع ده وعلى استعداد للمشاركة ونشر البوستر في محيطي مدرستي الاعدادي والثانوي ومدرسين الدروس..
وياريت ياجماعة الفكرة تظهر للنور قبل التنسيق
دى مشكلة ثقافة بلد...!! طول مالناس عايشة فى منتصف الخمسينات مفيش حاجة هتتغير.. بس لو احنا فعلا ايجابيين وعايزين نغير.. يبقى لازم نفهم غيرنا ان سوق العمل عندنا موجود اكتر من اى كلية تانية.. انا كنت فى اخر دفعة لما كانت كليتنا اعلى من هندسة بـ 2%...
إرسال تعليق