بسم الله الرحمن الرحيم
وبه نستعين
--------
دول أول سطرين في كل مُذكِراتي (أصل أنا قررت أكتب مذكرات انسان جديد بقالي تقريباً اسبوع)
الحمد لله
&&
thanks to dr.Dina ;)
--------
المهم ندخل في الموضوع
--------
عمرك حسييت الاحساس ده !؟
طب عمرك شوفت حد حس بالاحساس ده !؟
الاحساس بانك عمَال تدور هنا و هناك , تعمل اللي ماتعملشي علشان توصل للي انت عايزه و ما تعرفشي توصله
لأ و ايه كمان , توصله و يحصل مشكله و تسيبوا تاني
طب عمرك حسييت بالأيه دي !؟
( لا تحزن إن الله معنا )
الايه دي يا جماعه بتحكي معاني كتيير , سريعاً كده
دي كانت لما الرسول -ص- كان مهاجر هوه و سيدنا أبو بكر و أخذوا بكل الاسباب و مشيوا الأول في عكس الطريق المباشر للهجره ( للمدينه) و طلعوا الجبل و دنهم في الغار علشان قريش ما يتوقعوش مكانهم و الرسول -ص- كان مخلي سيدنا علي بن أبي طالب (ابن عمه) ينام مكانه علشان يضلل قريش .........الخ
ككككككلللللل ده..... و في الاخر برده وصل المشركين للغار
اه والله وصلوا , و رغم انهم طلعوا الجبل ده كله و وصلوا للغار اللي فيه النبي و صاحبه
و ابو بكر يقول ل سيدنا محمد -ص- لو نظر أحددهم تحت قدمه لراّنا
و رغم ده كله ربنا عَمَاهُم و خلاهم مايبصوش تحت رجليهم
الشاهد من الموضوع
ان الواحد يعمل اللي عليه ويأخذ بالأسباب و يسيب الباقي علي ربنا
أنا حسيت بالموضوع ده قوي امبارح بالظبط
أصل احنا بقالنا سنتين أو أكتر بندور على شَريك لينا في مسابقات ال
ACM
و علشان لو طلع ابن حلال و قمور يكمل معانا في مشروع التخرج
ف كنا في الغالب مش بنوصل للي عايزينه و كان لينا مغامرات في الموضوع ده يطول شرحها بجد (منا بقولكم سنتين ) ده احنا كنا و الله بنطلع نقف فوق مكان الدكتور و نبص على الدفعه يمكن نشوف حد مش شايفينه (والله كنا بنقول بيننا وبين بعض >>أََوُلِدَ فيكم من أحد!؟ )
مش لاقيييين يا جدعاااان !!!
و سعات كنا بنلاقي ناس ونبدأ معاهم بس بيحصل عدم توافق و نسيب بعض
و نعمل تسيتاات للناس ( زي انتير فيو و هوه مش حاسس) أون لاين و غيره
obba obba !! 2etfada7na !! :D :D
وسعات نقووول يااااااه لو يوافق\توافق يبقى تمام و يبقي ناقص شعره و يدخل معانا , و في الاخر لأ مش هوه ده اللي مكتوب لينا
والله يا جماعه الموقف ده اتكرر معانا (انا و محمد أسامه) كتيييير و كان مع ولاد و بنات و كله
بس سبحان الله ربنا بيقولنا اعملوا اللي عليكوا و اسعوا و انا هكافئكوا بأحسن من ده كله بس اعملوا اللي عليكوا..
أحسن دي مش معناها ان اللي كانوا هيدخلوا معانا و حشين ... لأ , أحسن دي معناها أحسن لينا بخاصه و ليست عامه
و الحمد لله , ربنا اختار لينا ان (احمد كامل) يدخل معانا.. بس ازاي!؟ دي اللي جامده أوي !! ... سبحان الله
سبحان الله بجد (مقسم الأرزاق)
أولاً: ده دخل القسم وهوه مش عايزه أصله ماكانشي عارف معاد التقديم للأقسام و جه لقى نفسه في القسم بالعافيه و لا مفر
ثانياً : كان ليه مجموعه من بره القسم هيعمل معاهم مشروع التخرج بس طلع قرار انه ماينفعشي تبقى لواحدك من القسم و داخل مع مجموعه من بره القسم
كل ده و برده مش شايفينه
و عمَالين نكلم ده و نتفق مع ده , و ده ييجي و ده يمشي الخ الخ الخ
و في الاخر ناقص يومين و نقرر , ولازم يدخل معانا على الأقل واحد و الا هيلابسونا أي حد من أي حته أو هيرفضوا الموضوع
المهم قلت لمحمد نبص عندنا في القسم , أهه حتي بيقى عارف فيجواليزاشان علشان المشروع هيبقى أكثره كده
بص يا محمد انا كلمت كامل و حاسس انه ييجي منه
و بعد كثير من المداولات , اقتنع محمد أسامه اقتناع مبدأيأً ... و كلياً مؤخراً
بس كده و الحمد لله , كامل جه و ربنا بعت الرزق معاه
نهايةً: الحمد لله رب العالمين حمداً كثيراً طيباً مباراكاً فيه كما ينبغي لجلال وجهك و عظيم سلطانك
و اسف على الاطاله
و ربنا يوفقنا و يوفقكم في مشروع التخرج
Graduation Project =
Experience and knowledgs + Fun .
signed by M.Foad ;) TU Foaad
و السلام عليكم و رحمة الله و بركاته
.jpg)
هناك 6 تعليقات:
grt8 story(Y)
Rabbena yewafa2ko ya Rabb we yegazeeko 7'ayran 3la basroko we ta3abko we te3melo project keda (Y) ;)
al salamo 3alaikom wa ra7mat ALLAH wa barakatoh
jazak ALLAH kol 7'ayr 3ala el post da
but 2abl ma a2ool el comment da ana 3ayza a2ool 7aga so3'ayara en e el aya لا تخف ان الله معنا
di se7etha
قال تعالى { لا تحزن إن الله معنا } [ التوبة : 40]
fe3lan keteeer geddan tekoon 3ayez 7aga te7sal we t7awel feeha keteer geddan we tab3an el a7'z be l asbab howa el asas fe en el ensan yesarraf omooroh fe 7ayatoh, fe 7aga 7asalet fe3lan 7'aletny a7es belma3na da elli 7asal ma3 asmaa magdi fe mawdoo3 el ACM begad elli 7asal da sob7an ALLAH 7'allany a2ool fe3lan en el ensan yes3a we ya7'od bel asbab we elli rabena yereedoh howa elli yekoon we el aham en el ensan yekoon 3ando yakeen en da el 7'eer be2ezn ALLAH
we rabena yorzokna dayman el thabat wa al eman
wa jazana wa 2eyyakom ...
thanks ya habiba && it's now modified ...
احب اقولك....شيء رائع انك يكون عندك الصبر و الاعتراف بفضل ربنا في الاخر و شيء اجمل انك تبقي حاسس فعلا بان ربنا اختارلك الاحسن و انت مؤمن بيه
المشكله عمرها ما كانت في الياس انما هي في الانسان نفسه و جميل انكوا ماياستوش سنتين و انتوا بتدوروا
انا(سنه اولي حاسبات)
معاكم يعني
و علي فكره احنا بندور من دلوقتي عشان ميحصلناش زيكوا
هو مش هيبان بس اكيد هيبقي فيه تقارب
ياسمين(من ارض الاحزان)
شكراً على الكومينت و ربنا يعينكوا و يوفقكم على المشوار اللي لسه قدامكم ,,, ياااه فكرتيني باللذي مضي سنه أولى يعني ,,, الواحد صحيح عجز
نصيحه اغتنموا فرصة انكم في سنه أولى و متضيعوش وقتكم
كلامك كويس بس انت مكنتش لوحدك كان محمد معاك لكن انا تقريبا لوحدي المشكله اني مش حاسس اني غعلط و بس كل الحولت معاهم كانوا بيحسسوني اني غلط سعات بحس ان بعض الامور ده بتبقي مجرد خيال ربنا يوفقك بس انا مش عارف اعمل ايه يمكن اوصل للممكن يعرف يتعامل معايه او موصلش شكرا علي موضوعك الجميل بس للاسف انا مش حاسس اني استفدت منه
إرسال تعليق